PARAPANDA ILIVYOPAGAWISHA SWEDEN

Wakazi mamia waliohudhuria onyesho la Parapanda katika tamasha kubwa la Utamaduni la swideni wameshitushwa na kiwango cha sanaa kilichoonyeshwa na wasanii nane wa Parapanda na Mswidi mmoja. Shangwe na chereko zilimeza uwanja huo wakati wasanii hawa alipokuwa wakiunga kazi moja baada ya nyingine.

Onyesho hilo limefanyika jioni saa 11.30 hadi saa 12.00 juu ya alama mbele ya umati ambao uliomba kurudiwa kwa onyesho lakini  kwakweli isingewezekana ikiwa kuna vikundi zaidi ya kumi vinasubiri! Hili lilikuwa ni onyesho la kutambulisha  onyesho kubwa la NATIGONE litakalofunguliwa rasmi hapa tarehe 8 Oktoba

Shabo akilicharaza gitaa wakati Parapanda ikiwasha moto jukwaani mbele ya mamia ya watazamaji nchini Sweden

 Bibie Eva Nyambe wa kikundi cha Parapanda Theatre Lab akipagawisha mashabiki nchini Sweden ambapo kundi hilo linafanya maonyesho yake

 Baadhi ya wasanii wa kundi mahiri la sanaa nchini Tanzania, Parapanda Theatre Lab, wakiwa jukwaani Sweden tayari kwa kuonyesha igizo la ANTIGONE ambapo kwa mara ya kwanza litaigizwa kwa lugha ya Kiswahili.

 Msanii Frank Samatwa(aliyeshika zeze) akionyesha umahiri wake katika kupiga zeze la kigogo wakati Parapanda ilipoonyesha igizo la ANTIGONE nchini Sweden. Pembeni yake ni Eva Nyambe na Amani Lukuli.

"Hata waTanzania tunaweza kupiga Djembe"-Daudi, msanii wa Parapanda akionyesha ufundi wake na ubunifu katika kuipiga ngoma ya Djembe yenye asili ya Afrika Magharibi wakati wa ziara yao nchini Sweden. Nyuma yake ni Shabo akimsindikiza kwa ngoma.